Axborot texnologiyalari va muhandislik bo‘limining vazifalari

1. Markazda Axborot texnologiyalarni joriy etish va rivojlantirish, ma’lumotlarni to‘plash, saqlash va ularga ishlov berish jarayonini avtomatlashtirish bo‘yicha dasturlar majmuini tashkil etish;

2. Axborot tizimlari va resurslarining axborot-texnologiyalari bo‘yicha o‘zaro munosabatlarini ta’minlash, ma’lumotlar bazalarini yaratishni ta’minlovchi infratuzilmani shakllantirishni va rivojlantirishni tashkil etish;

3. Markaz bo‘limlarida axborot-kommunikatsiya texnologiyalaridan samarali foydalanish va rivojlantirish jarayonlarini me’yoriy-huquqiy, texnologik va axborot-tahlil ma’lumotlar bilan ta’minlash;

4. Markazning rasmiy veb-saytini ishlab chiqish, takomillashtirish va doimiy faol ishlashini ta’minlash;

5. Markazning axborot resurslari va axborot tizimlarida axborot xavfsizligini ta’minlash bo‘yicha texnik infratuzilmasini joriy etish va rivojlantirish;

6. Markazda zamonaviy axborot texnologiyalaridan foydalanganda axborot xavfsizligi siyosatini yuritish, unga qat’iy rioya etilishini ta’minlash.